İssuf Paro “Qəbələ” ilə oyunu buraxacaq

Misli Premyer Liqasının IX turunda “Qəbələ”ni qəbul edəcək “Araz-Naxçıvan” qarşıdakı görüşə itki ilə çıxacaq. Komandanın mərkəz müdafiəçisi İssuf Paro matçda meydana çıxa bilməyəcək.

Klubun sözçüsü Mahal Məmmədovun verdiyi məlumata görə, futbolçu Misli Premyer Liqasının VIII turunda “Sumqayıt”la keçirilən oyunda zədələnib.

“Araz-Naxçıvan” – “Qəbələ” qarşılaşması oktyabrın 23-də Şamaxı şəhər stadionunda keçiriləcək. Görüş saat 15:00-da başlayacaq.

“Araz-Naxçıvan” iki xalla turnir cədvəlinin 12-ci pilləsində qərarlaşıb. Dörd xalı olan “Qəbələ” isə 10-cu yerdədir.