Xviça Kvaratsxeliya dizindəki zədəyə görə əməliyyat olunacaq

PSJ futbolçularının zədələrinin xarakteri barədə rəsmi məlumat yayıb. Xviça Kvaratsxeliya sağ dizinin ön çarpaz bağının qırılması səbəbindən yaxın günlərdə əməliyyat olunacaq.

Usman Dembele sol budundan, Markinyos isə sağ budundan zədə alıb. Klubun açıqlamasına görə, hər iki futbolçu yaxın həftələrdə müalicə alacaq.

Üç futbolçu da Çempionlar Liqasının ümumi mərhələsinin 3-cü turunda “Barselona” ilə oyunda zədələnib və qarşılaşma zamanı əvəzlənib. Oktyabrın 20-də keçirilən matç PSJ-nin 4:2 hesablı qələbəsi ilə başa çatıb.

Due 38-ci dəqiqədə PSJ-ni önə keçirib, Espart 55-ci dəqiqədə hesabı bərabərləşdirib. Ernandes 72-ci dəqiqədə meydan sahiblərini yenidən irəli çıxarıb, Yamal 79-cu dəqiqədə tarazlığı bərpa edib. Vitinya 81-ci, Ruis isə 86-cı dəqiqədə fərqlənərək PSJ-yə qələbə qazandırıb.