ABŞ Amerika qoşunlarını Avropadan çıxarmaq qərarına gələrsə, Fransa Almaniyaya nüvə silahı daşıya bilən təyyarələr yerləşdirə bilər.
"Operativ Məlumat Mərkəzi-OMM" xəbər verir ki, bu barədə “Daily Telegraph” qəzeti mənbələrə istinadən məlumat yayıb.
Adı açıqlanmayan fransız rəsmisi qeyd edib ki, Almaniya ərazisində nüvə silahı daşıyan bir neçə fransız qırıcısını yerləşdirmək çətin olmayacaq.
Onun sözlərinə görə, bu, Rusiya üçün ciddi siqnal ola bilər.
Adının açıqlanmasını istəməyən alman diplomatlar da öz növbəsində qeyd ediblər ki, Fransa hakimiyyətinin belə bir addımı Britaniya rəhbərliyini onlardan nümunə götürməyə sövq edə bilər.
