OMM Redaksiyası
Hans-Diter Flik "Barselona" ilə əməkdaşlığını davam etdirməyə hazırlaşır. Bu qərar komandanın çempionluq titulunu qazanmasından sonra tam rəsmiləşəcək.
"Operativ Məlumat Mərkəzi-OMM" xəbər verir ki, bu barədə "Marca" nəşri məlumat yayıb.
Sənədlərin imzalanması üçün dəqiq tarix hələ müəyyənləşməsə də, hər iki tərəf yaxın gələcək üçün fəaliyyət planını dəqiq bilir.
Hazırkı prioritet mövcud razılaşma ilə bağlı məsələləri yekunlaşdırmaq və növbəti mövsümün planlaşdırılmasına başlamaqdır.
Gözlənilir ki, yeni mövsüm ərəfəsində komandanın heyətində ciddi dəyişikliklər olacaq.
Mənbə qeyd edir ki, almaniyalı baş məşqçinin müqavilə müddəti 2028-ci ilə qədər uzadılacaq.
Bütün detallar artıq razılaşdırılıb və yalnız hüquqi rəsmiləşdirmə prosesi qalıb.
Xatırladaq ki, mütəxəssis 2024-cü ildən "Barselona"nı çalışdırır və bu müddət ərzində 1 İspaniya çempionluğu, 1 İspaniya Kuboku və 2 Superkubok qazanıb.
