Filippində təsirli olan "Penha" tropik fırtınasının yaratdığı şiddətli yağışlar, daşqınlar və torpaq sürüşmələri ağır nəticələrə səbəb olub.
"Operativ Məlumat Mərkəzi-OMM" xəbər verir ki, ölkənin Mülki Müdafiə Ofisinin sözçüsü Cuni Kastilyonun verdiyi məlumata görə, təbii fəlakət nəticəsində azı 12 nəfər dünyasını dəyişib.
Filippin Təbii Fəlakət Riskinin Azaldılması və İdarə Edilməsi Şurası tərəfindən yayımlanan rəsmi açıqlamada fırtınanın miqyası ilə bağlı aşağıdakı məqamlar vurğulanıb:
- Təbii fəlakətdən təxminən 460 min insan zərər çəkib;
- 16 min 528 ailə təhlükəsiz ərazilərə təxliyə edilib;
- Bölgədə şiddətli yağışlar və sel suları infrastruktura ciddi ziyan vurub.
Hazırda fəlakət bölgələrində xilasetmə işləri və fəsadların aradan qaldırılması prosesi davam etdirilir. Rəsmilər əhalini ehtiyatlı olmağa və təhlükəsizlik qaydalarına riayət etməyə çağırıb.
