Afət Ziyadqızı
ABŞ-nin Nyu-York, Nyu-Cersi və Pensilvaniya ştatlarında yağan güclü yağışlar, xüsusilə Nyu-Cersidə daşqınlara səbəb olub.
“Operativ Məlumat Mərkəzi-OMM” xəbər verir ki, bu barədə ABŞ mətbuatı yerli mənbələrə istinadən məlumat yayıb.
Məlumata görə, gecə saatları boyunca davam edən yağıntılar nəticəsində ştatın bir sıra ərazilərində avtomobil satışı məntəqələrindəki nəqliyyat vasitələri su altında qalıb. Daşqınlar çoxsaylı ev və iş yerlərinə ciddi maddi ziyan vurub. Güclü yağışlar bəzi magistral yollarda da nəqliyyatın hərəkətinə mənfi təsir göstərib, bir çox ərazidə avtomobil yollarında hərəkət demək olar ki, dayanıb.
Bildirilib ki, yerli hakimiyyət orqanları yağıntıların gün ərzində davam edəcəyini açıqlayıb. Sürücülərə, xüsusilə yola çıxarkən ehtiyatlı olmaq və təhlükəsizlik tədbirlərinə riayət etmək tövsiyə olunub.
