Aclıqdan əziyyət çəkən fələstinlilər üçün humanitar yardım daşıyan “Open Arms” gəmisi Qəzza sahillərinə çatıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu, qıtlığın astanasında olan fələstinlilərə su yolu ilə çatdırılan ilk belə yardımdır.
200 ton ərzaq daşıyan gəmi 3 gün əvvəl Kiprin Larnaka limanından yola düşüb.
Humanitar yardım əsasən Birləşmiş Ərəb Əmirlikləri tərəfindən maliyyələşdirilən və ABŞ-da yerləşən “World Central Kitchen” xeyriyyə təşkilatının təşəbbüsü ilə həyata keçirilib.
Yaxın günlərdə daha bir yardım gəmisinin Qəzza sahillərinə göndərilməsi planlaşdırılır.
