Ermənistanın Sünik vilayətində 3 bal gücündə zəlzələ qeydə alınıb.
“Operativ Məlumat Mərkəzi-OMM” xəbər verir ki, bu barədə Ermənistan Daxili İşlər Nazirliyinin Xilasetmə Xidməti məlumat yayıb.
Məlumata görə, yeraltı təkanlar avqustun 4-də yerli vaxtla saat 11:54-də Sisinan şəhərindən 23 kilometr cənub-qərbdə baş verib.
Bildirilib ki, zəlzələnin episentri 10 kilometr dərinlikdə yerləşib. Episentrdə təkanların gücü 4 bal olub.
Qeyd olunub ki, təbiət hadisəsi Sisinan və Dastakert şəhərlərində, eləcə də Arevis, Tanaat, Tasik, Salvard və Torunik kəndlərində 2-3 bal gücündə hiss edilib.
Hazırda dağıntılar və xəsarət alanlarla bağlı rəsmi məlumatın olmadığı bildirilib.
