Afət Ziyadqızı
Ermənistanın baş naziri Nikol Paşinyan orduda baş verən intihar halları ilə bağlı hakimiyyətin yalnız statistikanı qeydə alması ilə barışmayacağını bəyan edib.
“Operativ Məlumat Mərkəzi-OMM” "Sputnik Armenia"ya istinadən xəbər verir ki, jurnalistlərə açıqlama verən N.Paşinyan bu məsələ ilə bağlı mövqeyini həmkarlarına çox aydın şəkildə çatdırdığını bildirib.
Baş nazir İstintaq Komitəsinin sədrinin hərbçilər arasında intiharların mümkün səbəblərindən biri kimi təriqətlərin (sektaların) təsirini göstərməsinə münasibət bildirərək, hakimiyyətin kənarda durub prosesləri sadəcə izləməyəcəyini vurğulayıb.
Xatırladaq ki, 2026-cı ilin əvvəlindən Ermənistan Silahlı Qüvvələrində hərbçilərin həlak olması ilə bağlı 17 hal qeydə alınıb. İctimaiyyətdə rezonans doğuran bu hadisələrdən sonra, avqust ayında Silahlı Qüvvələrin mənəvi-psixoloji təminatı idarəsinin rəisi Sercə Stepanyan və Hərbi Polis rəisi Aşot Zakaryan vəzifələrindən azad ediliblər.
