ABŞ Ədliyyə nazirinin müavini Todd Blanş Jeffrey Epşteyn işi üzrə 3 milyondan çox yeni sənədin istifadəyə açıldığını elan edib.
"Operativ Məlumat Mərkəzi-OMM" xəbər verir ki, ictimaiyyətlə paylaşılan bu sənədlərdə Fransa Prezidenti Emmanuel Makronun da adının keçdiyi məlum olub.
Məlumata görə, Makronun adı həm 2017-ci ildə prezident seçilməzdən əvvəlki, həm də sonrakı dövrləri əhatə edən çoxsaylı sənədlərdə yer alır. Sözügedən sənədlərdə Epşteynin Fransa liderinin bir çox məsələdə ondan kömək istədiyini iddia etdiyi bildirilir.
Qeyd edək ki, bu yeni faktlar beynəlxalq ictimaiyyətdə böyük rezonans doğurub.
Hazırda məsələ ilə bağlı Fransa tərəfindən rəsmi açıqlama gözlənilir.
