OMM Redaksiyası
Almaniya Bundesliqasının 2026/2027 mövsümünün 9-cu turunda “Maynts” və “Bavariya” Maynts şəhərindəki MEWA Arenada qarşılaşıb. Robert Şrederin idarə etdiyi görüşdə qonaqlar 2:1 hesabı ilə qalib gəlib. Matç noyabrın 7-də Bakı vaxtı ilə saat 18:30-da başlayıb.
Yozua Kimmix 14-cü dəqiqədə hesabı açıb. 40-cı dəqiqədə VAR “Maynts”ın futbolçusu Li Ce Sunun qolunu ləğv edib. “Bavariya”nın qapıçısı Manuel Noyer zədələnərək 45-ci dəqiqədə əvəzlənib.
Lennart Karl 57-ci dəqiqədə Münhen təmsilçisinin üstünlüyünü iki topa çatdırıb. Benedikt Hollerbah 90+3-cü dəqiqədə fərqi azaltsa da, “Maynts” məğlubiyyətdən qaça bilməyib.
“Bavariya” doqquz oyundan 21 xalla turnir cədvəlinə başçılıq edir. 10 xalı olan “Maynts” 10-cu pillədə qərarlaşıb.
