OMM Redaksiyası
Azərbaycan Respublikasının Baş naziri Əli Əsədov sentyabrın 30-da Beynəlxalq Üzgüçülük Federasiyasının prezidenti Hüseyn Əl-Müsəlləmlə görüşüb.
Görüşdə Bakıda ilk dəfə üzgüçülük üzrə Dünya Kubokunun təşkil olunmasının əhəmiyyəti vurğulanıb. Bildirilib ki, yarış Azərbaycanın beynəlxalq idman nüfuzunun möhkəmlənməsinə və ölkədə üzgüçülüyün inkişafına töhfə verəcək.
Tərəflər Azərbaycanda üzgüçülüyə göstərilən diqqət, yaradılmış müasir idman infrastrukturu və ölkənin beynəlxalq yarışların keçirilməsində qazandığı təcrübə barədə fikir mübadiləsi aparıblar.
Görüşdə Beynəlxalq Üzgüçülük Federasiyası ilə əməkdaşlığın uğurla inkişaf etdiyi qeyd olunub. Tərəfdaşlığın gələcəkdə daha da genişləndirilməsi ilə bağlı məsələlər müzakirə edilib.
