Əsas məzmuna keç
Operativ Məlumat Mərkəzi
Əli Hidayət oğlu Əsədov
Foto: Ukrayna Prezidentinin Ofisi, CC BY 4.0

Əli Hidayət oğlu Əsədov

Azərbaycanın Baş naziri

Mənbə: nk.gov.az · yoxlanılıb 08.09.2026

Tərcümeyi-hal

Əli Hidayət oğlu Əsədov 1956-cı il noyabrın 30-da Bakı şəhərində anadan olub. 1974-cü ildə Bakıdakı 134 nömrəli orta məktəbi bitirib, 1974–1978-ci illərdə Moskvada G. V. Plexanov adına Xalq Təsərrüfatı İnstitutunda təhsil alıb. 1981–1985-ci illərdə SSRİ Elmlər Akademiyasının Moskvadakı İqtisadiyyat İnstitutunun aspiranturasını bitirərək iqtisad elmləri namizədi elmi dərəcəsi alıb.

1978-ci ildə Azərbaycan Elmlər Akademiyasının İqtisadiyyat İnstitutunda laboratoriya müdiri işləyib, 1978–1980-ci illərdə hərbi xidmətdə olub. 1985–1989-cu illərdə həmin institutda kiçik və böyük elmi işçi vəzifələrində çalışıb. 1989–1995-ci illərdə Bakı Sosial İdarəetmə və Politologiya İnstitutunda dosent və kafedra müdiri olub. 1995–2000-ci illərdə Azərbaycan Respublikasının Milli Məclisinin deputatı seçilib.

1998-ci il aprelin 17-də Azərbaycan Respublikası Prezidentinin iqtisadi məsələlər üzrə köməkçisi, 2012-ci il noyabrın 29-da Prezident Administrasiyası rəhbərinin müavini təyin edilib. 2017-ci ildən Prezidentin iqtisadi məsələlər üzrə köməkçisi – Prezident Administrasiyasının şöbə müdiri vəzifəsində çalışıb.

2019-cu il oktyabrın 8-də Azərbaycan Respublikası Prezidentinin Sərəncamı ilə Azərbaycan Respublikasının Baş naziri təyin edilib. 2024-cü il fevralın 16-da yenidən Baş nazir təyin olunub. 1993-cü ilin fevralından Yeni Azərbaycan Partiyasının üzvüdür, partiyanın Siyasi Şurasının üzvüdür.

Səhv görürsünüz? Redaksiyaya yazın

Xəbərlərdə