OMM Redaksiyası
Londonun “Arsenal” klubunda çıxış edən Viktor Dyökeres komandadakı hazırkı vəziyyətindən narazı olduğunu açıqlayıb.
28 yaşlı hücumçu cari mövsümdə yalnız iki oyunda start heyətində yer alıb. Onun İngiltərə Premyer Liqasındakı oyun praktikası isə iki əvəzetmə ilə məhdudlaşıb. Dyökeres indiyədək qol vura bilməyib.
Dyökeres daha çox oynamaq istəyir
"Operativ Məlumat Mərkəzi-OMM" “Arsenal News Channel” nəşrinə istinadən xəbər verir ki, futbolçu daha çox meydana çıxmaq istədiyini söyləyib.
“Əlbəttə, “Arsenal”da daha çox oynamamağım məyusedicidir. Hansı komandada olmağından asılı olmayaraq, bu, hər zaman narahatlıq yaradır. Meydana çıxmaq, fayda vermək və qol vurmaq istəyirsən. Bəzən bu, həqiqətən də üzücü olur, amma şans qazandığım zaman bütün gücümü ortaya qoymağa çalışıram. Diqqətimi öz nəzarətimdə olan məsələlərə yönəltmişəm”, – Dyökeres bildirib.
“Arsenal”a keçidi
Viktor Dyökeres 2025-ci ilin yayında Lissabonun “Sportinq” klubundan “Arsenal”a transfer olunub. London təmsilçisi bu keçid üçün təxminən 67 milyon avro ödəyib.
