"Şimali Atlantika Alyansının üzvləri başa düşürlər ki, Birləşmiş Ştatlar olmadan onlar heç bir şey deyillər, ona görə də diqqətlərini Amerika prezidenti Donald Trampa yönəltməyə məcburdurlar".
"Operativ Məlumat Mərkəzi-OMM" xarici KİV-ə istinadən xəbər verir ki, bu sözləri Avstriyanın keçmiş xarici işlər naziri Karin Knaysl deyib.
"Mən NATO sammiti proqramında hər hansı dəyişiklik barədə eşitməmişəm, amma təbii ki, Trampın hazırda çox işi var. NATO sammiti proqramı qısaldıla bilər ki, o, bütün əsas tədbirlərdə iştirak edə bilsin. Amma onun NATO-ya münasibəti tamamilə fərqlidir. Təbii ki, NATO-nun digər üzvləri də başa düşürlər ki, Birləşmiş Ştatlar olmadan onlar heçdir", - o bildirib.
