ABŞ Prezidenti Donald Trampın ötən ay Türkiyədə keçirilən NATO sammitindən qayıdarkən təhlükəsizlik məqsədilə təyyarəsini gizli şəkildə dəyişdiyi bildirilir.
“Operativ Məlumat Mərkəzi – OMM” xəbər verir ki, bu barədə “The Washington Post” qəzeti mənbələrə istinadən məlumat yayıb.
Məlumata görə, Tramp Türkiyədən ayrılarkən əsas prezident təyyarəsi olan “Air Force One”dan başqa bir hava gəmisinə keçirilib.
Bildirilir ki, “Air Force One” bu əməliyyat zamanı yayındırıcı vasitə kimi (“decoy”) istifadə olunub. Belə ki, prezidentin daha təhlükəsiz hesab edilən digər təyyarə ilə uçduğu, rəsmi prezident təyyarəsinin isə diqqəti yayındırmaq məqsədilə boş şəkildə uçuş həyata keçirdiyi qeyd olunur.
Mənbələr bu addımın Trampın təhlükəsizliyinin təmin edilməsi məqsədilə həyata keçirilən yüksək səviyyəli təhlükəsizlik tədbirlərinin bir hissəsi olduğunu bildiriblər.
