OMM Redaksiyası
“Barselona”nın baş məşqçisi Hansi Flik Çempionlar Liqasının əsas mərhələsinin III turunda PSJ-yə 2:4 hesabı ilə uduzduqları oyunu şərh edib. Məğlubiyyət kataloniyalıların cari mövsümdə ilk uğursuz nəticəsi olub.
“Hər iki komanda üçün fantastik matç idi. PSJ bizdən daha yaxşı olduğunu sübut etdi. Onların hücumdan müdafiəyə və müdafiədən hücuma keçidləri çox keyfiyyətlidir. Son 10 dəqiqədə enerjimiz qalmamışdı, amma bu, bəhanə deyil. Matça hazırlığımız da ən yaxşı səviyyədə deyildi. Bunu təhlil edib hər şeyi yaxşılaşdırmalıyıq”, – Flikin sözlərini AS yayıb.
Parisdə keçirilən görüşdə PSJ-nin heyətində Due 38-ci, Ernandes 72-ci, Vitinya 81-ci, Ruis isə 86-cı dəqiqədə fərqlənib. “Barselona”nın qollarını 55-ci dəqiqədə Espart, 79-cu dəqiqədə isə Lamin Yamal vurub.
İspaniya çempionatında “Barselona” keçirdiyi doqquz oyunun hamısında qələbə qazanıb. PSJ ilə qarşılaşmadan əvvəl kataloniyalılar Çempionlar Liqasında iki dəfə qalib gəlmişdilər.
