OMM Redaksiyası
“Qarabağ”ın futbolçusu Dieqo Roşa komandanın qarşıdakı oyunlara hazır olduğunu və yaxşı nəticələr qazanmaq üçün çalışdığını bildirib.
Milli komandaların oyunları ilə əlaqədar yaranan fasilədən ailəsi ilə birlikdə dincəlmək üçün yararlanan braziliyalı futbolçu kollektivə yaxın zamanda qoşulduğunu deyib. Onun sözlərinə görə, komanda yaxşı uyğunlaşır və zirvədə qalmaq üçün uğurlu çıxış edir.
Azərbaycana uyğunlaşma prosesi
Roşa yeni ölkəyə uyğunlaşmağın müəyyən çətinliklər yaratdığını, buna baxmayaraq, Azərbaycana yaxşı uyğunlaşdığını qeyd edib. O, Azərbaycan çempionatını çətin, burada mübarizə aparan komandaları isə keyfiyyətli adlandırıb.
Futbolçu Azərbaycan millisinin oyunlarını izləmədiyini də söyləyib. “Qarabağ”a gəlişinin gecikməsi ilə bağlı suala cavabında isə dəqiq səbəbini bilmədiyini bildirib: danışıqları agenti aparıb, özü isə futbol tərəfinə fokuslanıb.
