Cud Bellinqem “Real”da 50-ci qolunu vurdu

“Real” noyabrın 1-də İspaniya çempionatının 11-ci turunda səfərdə “Rasinq”lə qarşılaşıb. Moskva vaxtı ilə saat 18:15-də başlayan oyunun 60-cı dəqiqəsindən sonra Madrid klubu 3:0 hesabı ilə öndə olub.

“Real”ın ikinci qolunu Cud Bellinqem vurub. İngiltərəli yarımmüdafiəçi Madrid klubunda bütün turnirlər nəzərə alınmaqla 50-ci qolunu rəqib qapısından keçirib. Bellinqem bu göstəriciyə 154 matçda çatıb və “Real” tarixində 50 qola imza atan 50-ci futbolçu olub.

Klubun tarixində ən çox qol vuran futbolçu Kriştiano Ronaldudur (450). İkinci yerdə Kərim Benzema (354), üçüncü pillədə isə Raul (323) qərarlaşıb.

Bellinqem 2023/24 mövsümündə “Real”da çıxış etməyə başladıqdan bəri La Liqada 50 qol vuran yeganə yarımmüdafiəçidir.