Şimali Koreyanın “zibil balonlarına” cavab olaraq Cənubi Koreya “təbliğat” fəaliyyətinə başlayıb.
"Operativ Məlumat Mərkəzi-OMM" xəbər verir ki, bu barədə "Yonhap" agentliyi məlumat yayıb.
Cənubi Koreya ordusu dünən Şimali Koreyanın göndərdiyi "zibil balonları" və iki ölkə arasında yaşanan "zibil balonu gərginliyi" ilə bağlı açıqlama verib.
Açıqlamada qeyd olunub ki, dünənki "zibil balonlarının" göndərildiyi sərhədə yaxın ərazilərə yerləşdirilən dinamiklər vasitəsilə axşam saatlarından bu gün səhərə qədər Şimali Koreya tərəfinə “təbliğat yayımı” edilib.
Bəyanatda o da bildirilib ki, Şimali Koreya hərəkətlərini davam etdirərsə, ordu müvafiq cavabları verməyə davam edəcək.
