Afət Ziyadqızı
İyunun 11-də Bəhreyndə baş verən hava hücumu nəticəsində 11 yaşlı qız yaralanıb və hadisə yerində ona tibbi yardım göstərilib.
"Operativ Məlumat Mərkəzi-OMM" xəbər verir ki, bu barədə Bəhreyn Daxili İşlər Nazirliyi məlumat yayıb.
Məlumata görə, Həməd və Manama şəhərlərində pilotsuz uçuş aparatlarının qalıqları yaşayış evlərinə ziyan vurub, həmçinin bir neçə avtomobil yanıb.
Bildirilib ki, Mülki Müdafiə və Milli Fövqəladə Halların İdarə Edilməsi İdarəsi hadisə yerində bütün zəruri təhlükəsizlik və xilasetmə tədbirlərini həyata keçirib.
Son günlər Yaxın Şərqdə vəziyyətin yenidən kəskinləşdiyi qeyd olunur. ABŞ-nin İrana qarşı, İranın isə regiondakı ABŞ hərbi bazalarına cavab xarakterli hücumlar həyata keçirdiyi bildirilir.
