ABŞ prezidenti Co Baydenin İsrailə səfəri İsrail ordusunun Qəzza zolağındakı hərbi əməliyyatlarına təsir etməyəcək.
"Operativ Məlumat Mərkəzi-OMM" xəbər verir ki, bunu İsrail ordusunun ehtiyatda olan sözçüsü Conatan Konrikus bildirib.
Qeyd edək ki, ABŞ Prezidenti Cozef Bayden oktyabrın 18-də İsrailə səfər edəcək.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 400 nəfər ölüb, 3 300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.
