OMM Redaksiyası
"Bavariya" 24 yaşlı niderlandlı hücumçu Brayan Brobbini diqqətlə izləyir və bu yay onu transfer etmək imkanlarını nəzərdən keçirir.
"Operativ Məlumat Mərkəzi-OMM" xəbər verir ki, bu barədə "The Independent" nəşri məlumat yayıb.
Münxen təmsilçisi hücum xəttini gücləndirmək istəyir. Çünki Nikolas Ceksonun "Çrldi" klubuna qayıtmasından sonra Harri Keyn komandada yeganə mərkəz hücumçusu kimi qala bilər.
Brobbi ötən yay 25 milyon avro müqabilində "Ajax"dan "Sunderland" klubuna keçib.
İngiltərə Premyer Liqasının cari mövsümündə o, 25 oyuna çıxaraq 6 qol vurub.
Futbolçu meydanda əla hərəkətliliyi, fiziki gücü və müdafiəçilər üçün təhlükə yaratmaq bacarığı ilə diqqət çəkib. Qol göstəricisinin çox yüksək olmamasına baxmayaraq, o, Premyer Liqanın bir neçə klubunun diqqətini cəlb edib və indi Avropa futbolunun nəhənglərindən birinin maraq dairəsindədir.
Hücumçunun "Sunderland" ilə müqaviləsi 2029-cu ilə qədər qüvvədədir. Bu səbəbdən İngiltərə klubu onun üçün böyük məbləğdə təzminat tələb etməyə hazırdır.
Oyunçunun özü "Bavariya"da oyun vaxtının azalması riski səbəbindən tərəddüd edə bilər. Lakin Çempionlar Liqasında çıxış etmək və titullar uğrunda mübarizə aparmaq perspektivi onu bu keçidə razı sala bilər.
