"Bavariya" klubu Harri Keyn üçün yeni ehtiyat hücumçu tapıb.
"Operativ Məlumat Mərkəzi-OMM" xəbər verir ki, lakin əsas sual futbolçunun bu rolu qəbul edib-etməyəcəyidir.
Əgər Duşan Vlahoviç "Yuventus" ilə müqaviləsini yeniləməsə, o, yay transfer pəncərəsində Münhen təmsilçisinin əsas hədəfinə çevriləcək.
Baş məşqçi Vensan Kompani serbiyalı oyunçunu Harri Keynin əvəzləyicisi kimi görür.
Qeyd edək ki, hücumçunun Turin klubu ilə müqaviləsi bu yay başa çatır. Komandadakı əsas forvard rolunu itirən Vlahoviçin "Yuventus" karyerası o qədər də uğurlu sonluqla bitmir. Futbolçu ilə həmçinin "Milan" klubu da yaxından maraqlanır.
