“Barselona” yeni müdafiəçi üçün namizədini müəyyənləşdirib

“Barselona”nın transfer bazarında əsas hədəfinin sol ayaqlı mərkəz müdafiəçisi olduğu bildirilir. Kataloniya təmsilçisi Pau Kubarsi ilə etibarlı müdafiə tandemi formalaşdırmaq istəyir.

"Operativ Məlumat Mərkəzi-OMM" xəbər verir ki, Baş məşqçi Hans-Diter Flik Jerar Martinə güvənsə də, onun əsas heyətin dəyişməz üzvü olmaq üçün kifayət qədər səviyyəyə malik olmadığını düşünür.

Flikin əsas seçimi Şlotterbekdir

“Barselona”nın üç namizədinin olduğu qeyd edilir. Flikin ən çox bəyəndiyi futbolçu Dortmund “Borussiya”sının 26 yaşlı müdafiəçisi Niko Şlotterbekdir.

Alman futbolçu fiziki və texniki göstəricilərinə görə kataloniyalıların baş məşqçisini təsirləndirib.

Şlotterbeki 60 milyon avroya transfer etmək mümkündür. Bu məbləğ futbolçunun müqaviləsindəki sərbəstqalma bəndində göstərilib.

Siyahıdakı digər müdafiəçilər

“Barselona”nın qısa siyahısında 32 yaşlı Emerik Laportun (“Atletik”) və 18 yaşlı Rud Neystadın (“Tvente”) da olduğu bildirilir.

Neystadın transferi isə daha çox gələcəyə hesablanmış seçim kimi qiymətləndirilir.