İspaniyanın "Barselona" klubu öz heyətini gücləndirmək üçün yeni planlar qurur.
"Operativ Məlumat Mərkəzi-OMM" xəbər verir ki, Kataloniya təmsilçisi İngiltərənin "Çelsi" klubunda çıxış edən Mark Kukurelya ilə yaxından maraqlanır.
İspaniya mətbuatı yazır ki, Kukurelya "Barselona" rəhbərliyi üçün olduqca ciddi bir transfer hədəfidir.
Qeyd etmək lazımdır ki, klub bir müddətdir sol cinah müdafiəçisi axtarışındadır.
Xatırladaq ki, ispan futbolçu məhz Kataloniya klubunun akademiyasının yetirməsidir, baxmayaraq ki, əsas komandanın heyətində cəmi bir rəsmi matçda meydana çıxıb.
Hazırda nüfuzlu "Transfermarkt" portalı ulduz müdafiəçinin transfer dəyərini 50 milyon avro olaraq qiymətləndirir. Bu göstərici ilə o, dünyanın ən bahalı sol cinah müdafiəçiləri reytinqində dördüncü pillədə qərarlaşıb.
