Bakıda 76 və 78 nömrəli marşrut xətləri üzrə sərnişinlərə müasir və komfortlu avtobuslar xidmət göstərəcək.
"Operativ Məlumat Mərkəzi-OMM" xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb. Bildirilib ki, sərnişindaşıma sahəsində xidmət keyfiyyətinin artırılması və vətəndaş məmnuniyyətinin yüksəldilməsi məqsədilə daha iki müntəzəm marşrut xəttinə yeni avtobuslar cəlb olunur.
Fevralın 1-dən Bakıxanov dəmiryol stansiyasını metronun “Neftçilər” stansiyası ilə birləşdirən 76 nömrəli və “Qara Qarayev” stansiyası ilə əlaqələndirən 78 nömrəli şəhərdaxili marşrutlar üzrə müasir avtobuslar fəaliyyətə başlayacaq.
Qeyd edilib ki, avtobuslarda ödənişlər yalnız nağdsız qaydada həyata keçiriləcək. Gedişhaqqı isə 0,50 manat təşkil edəcək.
