Azərbaycan və Türkiyənin Belarusdakı səfirləri əməkdaşlıq məsələlərini müzakirə ediblər

Azərbaycan və Türkiyənin Belarusdakı səfirləri Məhərrəm Əliyevlə Cem İşık müttəfiqlik münasibətləri və səfirliklər arasında sıx əməkdaşlığı müzakirə ediblər.

"Operativ Məlumat Mərkəzi-OMM" xəbər verir ki, bu barədə Azərbaycanın Belarusdakı səfirliyinin "X" hesabında paylaşım edilib.

Bildirilib ki, Türkiyənin Belarusa yeni təyin olunmuş səfiri Cem İşık Azərbaycanın Belarusdakı səfiri Məhərrəm Əliyevi ziyarəti edib: "Görüşdə Azərbaycanla Türkiyə arasında uğurla inkişaf edən qardaşlıq və müttəfiqlik münasibətləri, həmçinin səfirliklər arasında sıx əməkdaşlıq müzakirə olunub".