Azərbaycan millisi FIFA reytinqində ötən ayla müqayisədə 6 pillə irəliləyib.

"Operativ Məlumat Mərkəzi-OMM" ali futbol qurumunun rəsmi saytına istinadən xəbər verir ki, yığma 114-cü mövqedə qərarlaşıb.

Hazırda baş məşqçisi olmayan komanda 1174.22 xala malikdir. Milli AVRO-2024-ün son matçlarında İsveçə Bakıda 3:0 hesabı ilə qalib gəlib, səfərdə Belçikaya yenilib - 0:5.

Argentina yığması (1855,20) liderliyini qoruyub. Fransa (1845,44) ikinci, İngiltərə (1800.05) isə üçüncüdür

Belçika (1798,46) dördüncüdürsə, beşqat dünya çempionu Braziliya (1784,09) beşinci pilləyə düşüb.

Xatırladaq ki, AFFA İcraiyyə Komitəsi noyabrın 22-də millinin baş məşqçisi Canni De Byazi ilə yolları ayırıb. Yığma onun rəhbərliyi altında AVRO-2024-ün seçmə mərhələsində 7 xalla F qrupunda 4-cü yeri tutub.

Millətlər Liqasında 3-cü tura yekun vurulub.

"Operativ Məlumat Mərkəzi-OMM" xəbər verir ki, son gündə 8 matç keçirilib.

Kriştiano Ronaldonun kapitanı olduğu Portuqaliya Polşa ilə səfər oyununda qələbə qazanıb. Son Avropa çempionu olan İspaniya millisi isə Danimarkanı məğlub edib.

UEFA Millətlər Liqası, 3-cü tur

12 oktyabr

A Liqası

1-ci qrup

20:00 Xorvatiya – Şotlandiya - 2:1

Qollar: Matanoviç, 36, Kramariç, 70 - Kriste, 33

22:45 Polşa – Portuqaliya - 1:3

Qollar: Zelinski, 78 - Silva, 26, Ronaldo, 37, Bednarek, 88-avtoqol

Xallar: Portuqaliya – 9, Xorvatiya – 6, Polşa – 3, Şotlandiya – 0

4-cü qrup

22:45 Serbiya – İsveçrə - 2:0

Qollar: Elvedi, 45+1-avtoqol, Mitroviç, 61

22:45 İspaniya – Danimarka - 1:0

Qollar: Zubimendi, 79

Xallar: İspaniya – 7, Danimarka, 6, Serbiya – 4, İsveçrə – 0

C Liqası

2-ci qrup

17:00 Litva – Kosovo - 1:2

Qollar: Qolubiçkas, 84 - Zeqrova, 20, Krasniqi, 65

22:45 Kipr – Rumıniya - 0:3

Qollar: Men, 16, Marin, 25-pen; Draquşin, 36

Xallar: Rumıniya – 9, Kosovo – 6, Kipr – 3, Litva – 0

3-cü qrup

20:00 Bolqarıstan – Lüksemburq - 0:0

22:45 Belarus – Şimali İrlandiya - 0:0

Xallar: Belarus – 5, Bolqarıstan – 5, Şimali İrlandiya – 4, Lüksemburq – 1

Azərbaycanın 21 yaşadək futbolçulardan ibarət milli komandası Avropa çempionatının seçmə mərhələsində növbəti oyununa çıxıb.

"Operativ Məlumat Mərkəzi-OMM" xəbər verir ki, Samir Əliyevin başçılıq etdiyi komanda IX turda Şimali İrlandiyanın müvafiq yaş qrupundan ibarət kollektivi ilə qarşılaşıb.

Ballimena şəhərindəki “The Showgrounds” stadionunda keçirilən görüş ev sahiblərinin 5:0 hesablı qələbəsi ilə yekunlaşıb.

Qeyd edək ki, 9 oyundan sonra Azərbaycan yığması 3 xalla qrupda sonuncu - altıncı, Şimali İrlandiya isə 10 xalla dördüncüdür.

Baş məşqçi axtarışları davam edən “Neftçi” türkiyəli çalışdırıcı ilə danışıqlar aparıb.

"Operativ Məlumat Mərkəzi-OMM" xəbər verir ki, bu barədə “Fanatik” nəşri məlumat yayıb.

Məlumata görə, klub nümayəndələri Abdullah Avcı ilə görüş keçirib. Səudiyyə Ərəbistanı klublarından da təklif alan Avcı “Neftçi”dən vaxt istəyib.

Təcrübəli çalışdırıcının qısa zamanda qərarını verəcəyi gözlənilir.

Qeyd edək ki, Abdullah Avcının son iş yeri “Trabzonspor” olub. O, Qara dəniz təmsilçisi ilə 2021/2022 mövsümündə Türkiyə Super Liqasının qalibi olub. Avcı bu ilin avqust ayında klubdan ayrılıb.

Xatırladaq ki, bundan əvvəl Bakı təmsilçisinin bosniyalı Sergey Yakiroviçlə razılığa gəldiyi deyilirdi.

Almaniya yığmasının Türkiyə əsilli sabiq üzvü, dünya çempionu Məsut Özil "Zirə" klubunun qonağı olub.

"Operativ Məlumat Mərkəzi-OMM" xəbər verir ki, görüşdə Bakı təmsilçisinin Muşahidə Şurasının sədri Orxan Məmmədov və əsas komandanın baş məşqçisi Rəşad Sadıqov iştirak ediblər.

Keçmiş yarımmüdafiəçi Zirə İdman Kompleksində klubun U-19 komandası ilə görüşüb və futbolçulara öz tövsiyələrini verib.

Qeyd edək ki, Mesut Özil karyerası ərzində Almaniyada "Şalke 04", "Verder", İspaniyada "Real", İngiltərədə "Arsenal", Türkiyədə "Fənərbağça" və "Başakşehir" kimi klubların formasını geyinib. O, 2014-cü ildə Almaniya yığması ilə dünya çempionu olub.

Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində Şimali İrlandiya ilə üz-üzə gələcək.

"Operativ Məlumat Mərkəzi-OMM"-in məlumatına görə, matç Ballimena şəhərində yerləşən “Şouqraunds” stadionunda təşkil olunacaq.

Görüş Bakı vaxtı ilə saat 18:00-da start götürəcək. Oyunu Farer adalarından olan Heini Ziskason Vidoy idarə edəcək.

Qeyd edək ki, F qrupunda 9 matç keçirən komandalardan Ukrayna 24 xalla liderdir. İngiltərə 22 xalla ikinci, Serbiya 13 xalla üçüncü, Lüksemburq 7 xalla dördüncü sıradadır.

8 qarşılaşmada 7 xal toplayan Şimali İrlandiya 5-ci, 3 xala malik Azərbaycanın U-21 yığması isə sonuncu pillədə qərarlaşıb.