OMM Redaksiyası
UEFA Çempionlar Liqasının əsas mərhələsinin III turunda bu gün keçiriləcək “Sabah” – “Borussiya” (Dortmund) oyunu Azərbaycan və Almaniya klublarının avrokuboklardakı 16-cı dueli olacaq. İndiyədək Almaniya komandaları ilə yalnız “Qarabağ” və “Qəbələ” qarşılaşıb.
“Qarabağ”ın 11 oyunda bir qələbəsi var
“Qarabağ” UEFA turnirlərində Almaniyanın beş klubu ilə 11 dəfə üz-üzə gəlib: 8 məğlubiyyət, 2 heç-heçə və 1 qələbə. Ağdam təmsilçisi 2010/2011 mövsümünün Avropa Liqasının pley-offunda Dortmund “Borussiya”sına Almaniyada 0:4, Bakıda isə 0:1 hesabı ilə uduzub. 2013/2014 mövsümündə “Ayntraxt”la oyunlar 0:2 və 1:2 hesabları ilə başa çatıb.
“Qarabağ” 2022/2023 mövsümündə “Frayburq”a səfərdə 1:2 hesabı ilə məğlub olub, Bakıda 1:1 edib. 2023/2024 mövsümündə “Bayer 04”lə dörd görüşdə 1:5, 0:1, 2:2 və 2:3 hesablı nəticələr qeydə alınıb. Cari ilin əvvəlində isə komanda Çempionlar Liqasının əsas mərhələsinin VII turunda “Ayntraxt”ı Bakıda 3:2 hesabı ilə məğlub edib.
“Qəbələ”nin dörd məğlubiyyəti
“Qəbələ” 2015/2016 mövsümündə Dortmund “Borussiya”sına 1:3 və 0:4 hesabları ilə uduzub. Növbəti mövsüm Avropa Liqasının qrup mərhələsində “Maynts 05” hər iki oyunda qalib gəlib: 3:2 və 2:0.
Beləliklə, “Sabah” Almaniya klubu ilə qarşılaşacaq üçüncü Azərbaycan təmsilçisi olacaq. “Sabah” – “Borussiya” oyunu bu gün saat 20:45-də Bakı Olimpiya Stadionunda başlayacaq.
