“Avroviziya”nın final biletləri 36 dəqiqəyə satıldı

Liverpulda keçiriləcək “Avroviziya 2023” mahnı müsabiqəsinin böyük finalının biletləri 36 dəqiqəyə satılıb.

"Operativ Məlumat Mərkəzi - OMM" xəbər verir ki, bəzi pərəstişkarlar onlayn alış zamanı problemlərlə qarşılaşıblar.

Ümumilikdə, mayın 13-də keçiriləcək möhtəşəm final da daxil olmaqla, doqquz “Avroviziya” şousunun hər biri üçün 6000 bilet satışa çıxarılıb.

Bildirilir ki, finalın biletləri 36 dəqiqəyə, qalan şoular üçün biletlər isə təxminən bir saat sonra satılıb. Azarkeşlər onlayn növbədə onlardan qabaqda 2000 nəfərin olduğu mesajını alıblar, lakin real rəqəmlər çox güman ki, daha artıq olub.

Böyük Britaniyada yaşayan ukraynalı qaçqınlar üçün 3 min bilet ayrılıb.

“Avroviziya 2023” mahnı müsabiqəsinin finalı mayın 9-da Liverpulda keçiriləcək.