ATƏT-in fəaliyyətdə olan sədri və Şimali Makedoniyanın xarici işlər naziri Bujar Osmani Qəzza zolağında Əl-Əhli xəstəxanasına edilən hücumu pisləyib və günahkarların məsuliyyətə cəlb olunmasını istəyib.
"Operativ Məlumat Mərkəzi-OMM" xəbər verir ki, o, bu barədə "X" sosial şəbəkəsində yazıb.
"Qəzzada yüzlərlə mülki şəxsin həlak olduğu xəstəxana və məktəbin dağıdılmasından qəzəblənirik. Biz bir daha beynəlxalq humanitar hüquqa hörmət etməyə çağırırıq. Mülki insanlar hədəfə alınmamalı və ya canlı qalxan kimi istifadə edilməməlidir. Məsul olanlar məsuliyyətə cəlb edilməlidir".
