Çexiyanın Baş naziri Andrey Babişin Azərbaycanda aparacağı danışıqların əsas mövzu energetika sahəsində əməkdaşlıq məsələləri ilə bağlı olacaq.
“Operativ Məlumat Mərkəzi-OMM” xəbər verir ki, bu barədə Çexiyanın informasiya portalları məlumat yayıb.
"Baş nazir Andrey Babiş və 50 Çexiya şirkətinin nümayəndələri Azərbaycanda səfərdədirlər. O, (Babiş - red.) təbii qazın tədarükü barədə (Azərbaycan tərəfi ilə - red.) razılaşmanın əldə olunmasını istəyir", - məlumatda qeyd olunub.
Daha əvvəl verilən məlumata görə, A.Babiş aprelin 26-da Azərbaycana rəsmi səfərə gəlib.
