Almaniyanın Stade şəhərində silahlı insident baş verib. Hadisə nəticəsində ölən və yaralananların olduğu bildirilir.
“Operativ Məlumat Mərkəzi-OMM” xəbər verir ki, bu barədə Almaniyanın "Focus" nəşri məlumat yayıb. Bildirilib ki, bazar ertəsi günü şəhərdə silah səsləri eşidilib və ilkin məlumata əsasən, hadisə zamanı ölən və yaralananlar var.
Məlumata görə, insident yerinə dərhal polis əməkdaşları və digər hüquq-mühafizə orqanlarının qüvvələri cəlb olunub. Hazırda ərazidə genişmiqyaslı əməliyyat tədbirləri davam etdirilir.
Hadisənin səbəbləri və baş verənlərlə bağlı digər təfərrüatlar hələlik rəsmi qurumlar tərəfindən açıqlanmayıb. Polis araşdırmaları davam etdirir.
