“PSJ” hücumçusu Désiré Duénin sağ dizinin ön çarpaz bağının qopduğunu təsdiqləyib.
Fransa çempionatının 11-ci turunda “Nitsa” ilə qarşılaşmada (3:2) zədələnən vinger noyabrın sonunadək əməliyyat olunacaq.
Belə zədədən sonra bərpa müddəti azı altı ay təşkil edir. Bu səbəbdən fransalı futbolçunun böyük ehtimalla cari mövsüm meydana qayıtmayacağı gözlənilir.
Dué bu mövsüm “PSJ”nin heyətində 15 matçda iştirak edib, 6 qol vurub və 4 məhsuldar ötürmə verib.