“PSJ”nin hücumçusu Desire Due Fransa çempionatının 11-ci turunda “Nitsa” ilə səfər matçında zədələnib. 21 yaşlı fransalı futbolçu 41-ci dəqiqədə, rəqiblə təmas olmadan sağ dizindən xəsarət alıb.
Oyun epizodu zamanı Due-nun ayağı burulub və futbolçu ağrı içində yerə yıxılıb. Hücumçu meydanı özü tərk edə bilməyib, onu xərəkdə aparıblar. Due meydandan çıxarılarkən göz yaşlarını saxlaya bilməyib.
Due 32-ci dəqiqədə vurduğu qolla parisliləri hesabda önə çıxarıb. İlk hissənin sonunda “PSJ” 2:1 hesabı ilə öndə olub.