Afət Ziyadqızı
ABŞ-nin Minnesota ştatının Minneapolis şəhərinin mərkəzində silahlı hücum qeydə alınıb. Hadisə nəticəsində 2 nəfər həyatını itirib, çox sayda insan isə müxtəlif dərəcəli bədən xəsarətləri alıb.
"Operativ Məlumat Mərkəzi-OMM" xəbər verir ki, bu barədə yerli hakimiyyət orqanları məlumat yayıb.
Yaralılar arasında 3 polis əməkdaşının da olduğu bildirilir. Hadisə yerinə dərhal təcili yardım və hüquq-mühafizə orqanlarının əməkdaşları cəlb olunub.
Minnesota ştatının qubernatoru Tim Uolz sosial media hesabında hadisə ilə bağlı açıqlama verib.
O bildirib ki, ştat rəsmiləri Minneapolisin mərkəzində baş verən hücuma müdaxilə edir və yerli hüquq-mühafizə orqanlarına dəstək göstərirlər.
Qubernator yeni məlumatlar əldə olunduqca ictimaiyyətin məlumatlandırılacağını qeyd edib.
