Almaniyanın müdafiə naziri Boris Pistorius ölkəsinin Avropada mümkün müharibəyə hazır olmasının vacibliyini qeyd edib.
"Operativ Məlumat Mərkəzi-OMM" xəbər verir ki, nazir bu barədə Almaniyanın ZDF televiziyasına verdiyi açıqlamada bildirib.
Pistorius açıqlamasında Rusiya-Ukrayna müharibəsinin Almaniya üçün tarixi dönüş nöqtəsi olduğunu vurğulayıb.
Bu müharibənin siyasətdə və cəmiyyətdə “zehniyyət dəyişikliyi” gətirməli olduğunu bildirən Pistorius, “Avropada müharibə təhlükəsinin ola biləcəyi fikrinə alışmalıyıq və bu, müharibəyə hazır olmalıyıq deməkdir. Biz özümüzü müdafiə etməyə hazır olmalı, alman silahlı qüvvələrini və cəmiyyətini buna hazırlamalıyıq”,- deyə qeyd edib.