Ukraynanın müdafiə naziri Mixail Fedorovun vəzifədən kənarlaşdırılması NATO daxilində təəccüblə qarşılanıb.
“Operativ Məlumat Mərkəzi-OMM” xəbər verir ki, “Politico”nun məlumatına görə, yüksək vəzifəli NATO rəsmisi Fedorovun fəaliyyətini yüksək qiymətləndirib və onun istefasının gözlənilməz olduğunu bildirib.
Alyans nümayəndəsi qeyd edib ki, Fedorov müdafiə sahəsində peşəkar yanaşması ilə seçilib və vəzifəsinin öhdəsindən uğurla gəlib. Avropalı müdafiə rəsmiləri də keçmiş naziri rəqəmsal texnologiyalar sahəsində mühüm təcrübəyə malik effektiv idarəçi kimi qiymətləndiriblər.
Almaniyanın müdafiə naziri Boris Pistorius da Fedorovun fəaliyyətinə müsbət münasibət bildirib və Ukraynanın son dövrlərdə əldə etdiyi nəticələrdə onun rolunu vurğulayıb.
Fedorovun vəzifədən azad edilməsi Ukrayna daxilində də geniş əks-səda doğurub. Kiyev və digər şəhərlərdə keçirilən aksiyalarda sakinlər keçmiş müdafiə nazirinə dəstək nümayiş etdiriblər.
