Almaniyanın müdafiə naziri Boris Pistorius ABŞ prezidenti Donald Trampın müdaxiləsindən sonra Ukrayna məsələsində irəliləyiş olduğunu etiraf edib.
"Operativ Məlumat Mərkəzi-OMM" xəbər verir ki, bu barədə məlumatı RND nəşri yayıb.
Pistorius bildirib ki, ABŞ lideri sülh danışıqları prosesinə ciddi hərəkətlilik gətirib:
"Etiraf etmək lazımdır ki, ABŞ prezidenti sülh danışıqlarına təkan verib".
Bununla belə, nazir Vaşinqtonun bir neçə xarici siyasət istiqamətində eyni vaxtda göstərdiyi fəallığın ABŞ daxilindəki iqtisadi və siyasi problemlərdən diqqəti yayındırmaq istəyi ilə bağlı ola biləcəyini də qeyd edib.
Xatırladaq ki, bir qədər əvvəl Donald Tramp Rusiya prezidenti Vladimir Putinin soyuq hava şəraiti ilə əlaqədar Kiyev və Ukraynanın digər şəhərlərinə zərbələri müvəqqəti dayandırmağa razılıq verdiyini açıqlamışdı. Amerika lideri qeyd edib ki, o, şəxsən Putinə müraciət edib və Rusiya tərəfinin bu xahişə müsbət cavab verməsindən məmnun qalıb.
