Afət Ziyadqızı
"Çin dəfələrlə Qrenlandiya məsələsi ilə bağlı mövqeyini bildirib və ABŞ-ni "Çin təhdidi"ndən bəhanə kimi istifadə etməyi dayandırmağa çağırıb".
"Operativ Məlumat Mərkəzi-OMM" xəbər verir ki, bu sözləri Çin Xarici İşlər Nazirliyinin sözçüsü Quo Ciakun deyib.
Diplomat qeyd edib ki, BMT Nizamnaməsinin məqsəd və prinsiplərinə əsaslanan beynəlxalq hüquq mövcud beynəlxalq nizamın təməlidir və ona ciddi şəkildə əməl edilməlidir.
Çin Xarici İşlər Nazirliyinin sözçüsü bu açıqlamanı ABŞ prezidenti Donald Trampın Qrenlandiya məsələsi ilə əlaqədar olaraq Danimarka, Norveç, İsveç, Fransa, Almaniya, Böyük Britaniya, Hollandiya və Finlandiyadan idxal edilən bütün mallara 1 fevral tarixindən etibarən 10 faizlik tarif tətbiq edəcəyi ilə bağlı verdiyi açıqlama ilə bağlı suala cavab olaraq verib.
Xatırladaq ki, Tramp bildirmişdi ki, ABŞ-nin adanı əldə etməsi ilə bağlı razılaşma imzalanmadığı təqdirdə, tariflər iyunun 1-dən etibarən 25 faizə qədər artacaq.
