Afət Ziyadqızı
ABŞ-nin rəhbərlik etdiyi beynəlxalq koalisiya qüvvələrinin Suriyadan çıxarılması ilə bağlı məlumatlar təsdiqlənməyib.
“Operativ Məlumat Mərkəzi-OMM” xəbər verir ki, bu barədə Pentaqon "RİA Novosti"nin sorğusuna cavab olaraq açıqlama verib.
Bildirilib ki, ABŞ Müdafiə Nazirliyi məsələ ilə bağlı konkret məlumat verməkdən imtina edərək jurnalistləri Mərkəzi Komandanlığa yönləndirib.
Qeyd olunub ki, Komandanlıq isə hələlik məsələ ilə bağlı sorğulara cavab verməyib.
Xatırladaq ki, Suriya Xarici İşlər Nazirliyi daha əvvəl beynəlxalq qüvvələrin geri çəkilməsinin İŞİD terror təşkilatına qarşı mübarizə məqsədlərinə nail olunması ilə əlaqədar olduğunu bildirib.
Məlumata görə, bu proses çərçivəsində bütün obyektlərin Suriya Ərəb Ordusunun nəzarətinə verildiyi və bunun yüksək təhlükəsizlik şəraitində, həmçinin Suriya və ABŞ hökumətləri arasında tam koordinasiya ilə həyata keçirildiyi qeyd olunub.
