OMM Redaksiyası
“Baku Sporting” klubunda baş məşqçi Samir Ələkbərov və qapıçılar üzrə məşqçi Davud Əsgərovla əməkdaşlığa xitam verilib.
Qərar klub rəhbərliyi tərəfindən qəbul olunub. Beləliklə, hər iki mütəxəssis komandadakı fəaliyyətini başa vurub.
“Baku Sporting” ayrılıqla bağlı açıqlamasında Samir Ələkbərova və Davud Əsgərova gördükləri işə görə təşəkkür edib, onlara gələcək karyeralarında uğurlar arzulayıb.
Komandanın məşqçilər korpusunda baş verən dəyişiklik Azərbaycan Birinci Liqasının beşinci turunda MOİK-lə keçirilən oyundan sonra açıqlanıb. Həmin görüşdə “Baku Sporting” rəqibinə 1:3 hesabı ilə məğlub olub.
