Azərbaycanın iki boksçusu dünya çempionatına qələbə ilə başladı

Monteneqronun Budva şəhərində 19 yaşadək boksçular arasında dünya çempionatı başlayıb. Yarışın ilk günündə Azərbaycan millisinin iki üzvü qələbə qazanıb.

55 kq çəki dərəcəsində mübarizə aparan Nihat Qasımov 1/32 finalda Qırğızıstan təmsilçisi Nursultan Duşonalıyevlə qarşılaşıb. Azərbaycanlı boksçu rəqibini 3:2 hesabı ilə üstələyib.

Qasımov növbəti görüşünü oktyabrın 18-də keçirəcək. Onun rəqibi ilk mərhələdən azad olan kanadalı Arjanpal Hundal olacaq.

90 kq-dan yuxarı çəki dərəcəsində çıxış edən Səfdər Məmmədzadə 1/8 finalda Kirill Jukovskiyə 3:2 hesabı ilə qalib gəlib. O, oktyabrın 23-də rusiyalı İvan Baybakovla qarşılaşacaq.

Dünya çempionatı oktyabrın 27-də başa çatacaq.