OMM Redaksiyası
Əli Əliyev (50 kq) və Nihat Qasımov (55 kq) 19 yaşadək boksçular arasında dünya çempionatında Azərbaycanı təmsil edəcəklər. Hər iki idmançı Budvada keçirilən mundialda ilk döyüşünə çıxacaq.
Gündüz sessiyasında Əli Əliyev rusiyalı Vladimir Orlovla qarşılaşacaq. Görüş Bakı vaxtı ilə saat 16:00-da başlayacaq sessiyada B rinqində dördüncü döyüş kimi nəzərdə tutulub.
Axşam sessiyasında Nihat Qasımov kanadalı Arjanpal Hundalla üz-üzə gələcək. Bu qarşılaşma Bakı vaxtı ilə saat 20:00-da start götürəcək sessiyanın B rinqində dördüncü döyüşü olacaq.
