ABŞ-nin vitse-prezidenti Cey Di Vens dördüncü dəfə ata olub.
“Operativ Məlumat Mərkəzi-OMM” xəbər verir ki, bu barədə ABŞ-nin vitse-prezidenti Cey Di Vens sosial şəbəkə hesabında paylaşım edib.
Məlumata görə, vitse-prezidentin oğlu dünyaya gəlib və körpəyə Alek Nil Vens adı verilib. Cey Di Vens həyat yoldaşı Uşa Vens və yeni doğulan körpənin səhhətinin yaxşı olduğunu bildirib.
Qeyd olunub ki, körpə Betesdadakı Uolter Rid adına Milli Hərbi Tibb Mərkəzində dünyaya gəlib. Ağ Evin Tarixi Assosiasiyasının məlumatına əsasən, bu, son 155 il ərzində vəzifədə olan ABŞ vitse-prezidentinin övladının dünyaya gəlməsi ilə bağlı qeydə alınan ilk hadisədir.
