Afət Ziyadqızı
ABŞ rəhbərliyi yaxın günlərdə İrana qarşı hərbi əməliyyatların miqyasını əhəmiyyətli dərəcədə genişləndirmək variantını nəzərdən keçirir.
“Operativ Məlumat Mərkəzi-OMM” xəbər verir ki, bu barədə “Axios” portalı Amerika administrasiyasındakı mənbələrə istinadən məlumat yayıb.
Bildirilib ki, regionda ABŞ hərbi qüvvələrinin cəmləşdirilməsi prosesi davam edir. Mənbələrin sözlərinə görə, ABŞ-nin Prezidenti Donald Tramp İrana qarşı genişmiqyaslı hərbi əməliyyatların bərpası imkanlarını qiymətləndirir. Həm Amerika, həm də İsrail rəsmiləri belə bir addımın yaxın günlərdə atıla biləcəyini istisna etmirlər.
Qeyd olunub ki, daha əvvəl ABŞ-nin İrana qarşı “B-1” strateji bombardmançı təyyarəsindən istifadə etdiyi barədə məlumatlar yayılmışdı. Vaşinqtonun növbəti addımları beynəlxalq ictimaiyyət tərəfindən diqqətlə izlənilir.
