ABŞ-də baş verən soyuq hava dalğası və bunun nəticəsində elektrik tələbatının artması səbəbindən "Bitcoin" mədənçilərinin hesablama gücü (hashrate) 37 faiz azalıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ABŞ-dəki soyuq hava dalğası yüksək elektrik tələbi olan "Bitcoin" mədənçiliyinə də təsir göstərir.
Buna əsasən, "Bitcoin" şəbəkəsindəki hesablama gücü 25 yanvar tarixində 23 yanvarla müqayisədə 37 faiz azalma qeydə alıb.
Mütəxəssislər bildirirlər ki, Bitcoin mədənçiləri soyuq hava şəraiti səbəbindən yüklənən elektrik şəbəkələrindəki təzyiqi azaltmaq məqsədilə hesablama qurğularını müvəqqəti olaraq söndürürlər.
