ABŞ hökumətinin "Google Chrome"u "parçalamaq" üçün açdığı tarixi məhkəmə bu gün başlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Üç həftə davam edəcək dinləmələrdə "Google"un qeyri-qanuni monopoliya olub-olmaması müzakirə olunacaq və onun müxtəlif şirkətlərə bölünüb-parçalanmasına qərar veriləcək.
"Alphabet"in "Google" şirkəti ABŞ Ədliyyə Departamentinin (DOJ) internet axtarış bazarındakı üstünlüyü ilə bağlı qaldırdığı tarixi antiinhisar işi üzrə məhkəməyə qarşısına çıxıb.
DOJ hüquqşünasları iddia ediblər ki, "Google"un axtarış sistemlərində üstünlüyünü möhkəmləndirmək üçün süni intellekt məhsullarından istifadə etməsinin qarşısını alma tədbirlərinə ehtiyac var. Bu hal internetin gələcəyini və axtarış mühərriki bazarının strukturunu əsaslı şəkildə dəyişə bilər.
