İsrail ordusu Qəzzanın mərkəzindəki şəhərlərdə hərbi əməliyyatlarını davam etdirir.
"Operativ Məlumat Mərkəzi-OMM" xarici KİV-ə istinadən xəbər verir ki, ötən gün Deir al-Balah şəhərinə endirilən aviazərbələr nəticəsində ən azı 33 nəfər həlak olub, 40-dan çox insan yaralanıb.
Son 48 saat ərzində sözügedən şəhərdə öldürülən fələstinlilərin sayı 160-ı ötüb.
İsrail ordusunun sözçüsü Daniel Haqari hədəfə alınan ərazidə HƏMAS qruplaşmasına aid yeraltı tunellərin aşkarlandığını bildirib.
HƏMAS-ın səhiyyə nazirliyi isə öldürülənlərin hamısının mülki vətəndaşlar olduğunu açıqlayıb.
İsrail ordusu həmçinin, Hizbullahın Livanın cənubndakı mövqelərinə də zəbələr endirib. Hücumlar nəticəsində ən azı 3 nəfər ölüb, 8 nəfər yaralanıb.
